Valia se rugbyspanne het Saterdag op tuisbodem in die laaste amptelike Virseker Noordvaal-tuiswedstryd van die seisoen teen Hoërskool Montana te staan gekom.

Die hoofwedstryd van die dag, die eerstespanne, het om 12:40 afgeskop.

Valia het uit die staanspoor sy stempel afgedruk en was in alle aspekte van die spel eenvoudig te sterk vir die besoekers.

Die Ligbloues het gereeld agter Montana se doellyn gaan kuier en met halftyd was die telling 26-7 in die guns van Valia.

Montana kon die bloues nie stuit nie en met die blaas van die eindfluitjie het Valia ‘n welverdiende en oortuigende oorwinning van 40-14 behaal.

Nog foto’s in Vrydag se Vaalweekblad.