News
Wêreld vier Internasionale Maanwaarnemingsaand
Die maan sal vanaand in die kollig wees aangesien Internasionale Maanwaarnemingsaand gevier word.
VAALDRIEHOEK. – Mense wêreldwyd word genooi om Saterdag 19 September aan Internasionale Maanwaarnemingsaand deel te neem.
Die jaarlikse geleentheid bied aan mense die kans om die maan waar te neem en meer oor maanwetenskap, verkenning en die mensdom se verbintenis met die aarde se natuurlike satelliet te leer.
Jy het nie ’n teleskoop nodig om deel te neem nie. Indien die weer dit toelaat, kan inwoners die maan met die blote oog besigtig, terwyl ’n verkyker of teleskoop meer besonderhede van die maanoppervlak sal toon.
NASA moedig mense aan om alleen, saam met familie en vriende of by ’n georganiseerde geleentheid na die maan te kyk.
At Caxton, every story is written by humans. We use AI only to perform quality checks - never to generate the news. Happy reading!
