VANDERBIJLPARK – ’n Pleidooi word aan die gemeenskap gerig om Delinda Swart finansieel by te staan nadat sy ernstig beseer is in die gru-ongeluk op 8 Oktober waarin drie leerlinge en die bestuurder van JCS Independent School se skoolvervoer gesterf het.

Die ongeluk het op die R59 naby die R57-brug plaasgevind. Delinda het verskeie frakture opgedoen en benodig ondersteuning vir haar mediese uitgawes, hospitaalrekeninge, medikasie en rehabilitasie.

’n Skarebefondsingsveldtog is deur Anna-Marie Swart op BackaBuddy begin met ’n teikenbedrag van R50 000. Teen die tyd dat die veldtog nagegaan is, was R2 500 ingesamel.

Mense wat Delinda en haar familie in dié moeilike tyd wil help, kan ’n bydrae lewer deur die volgende skakel te besoek: https://www.backabuddy.co.za/campaign/delinda-swart.