VEREENIGING. – Die o.21-rugbyspan van NWU Vaal is Saterdagmiddag as die Valke-kampion gekroon, nadat hy Brakpan met 42-37 in ‘n riller-eindstryd geklop het. Die studente spog met ‘n segetog van twaalf opeenvolgende oorwinnings en hoewel hy die lewe vir homself in die eindstryd bemoeilik het, het hy die wa uiteindelik deur die drif getrek.

NWU Vaal het rustyd met 34-9 voorgeloop, maar in die tweede helfte sy voet van die versneller afgehaal. Ondanks dié insinking het die manne in pers diep gedelf en verbete aan sy voorsprong vasgeklou.