VANDERBIJLPARK. – Die Hoërskool Dr. Malan en Overvaal het rede om breëbors rond te loop.
Vier van hulle sportsterre is gekies om van 3 tot 12 Desember aan die AUSC Region V Spele in Maseru, Lesotho deel te neem. Die Dokkies spog met Maritske Rautenbach (netbal) en Julienne Strydom (verspring) wat onderskeidelik die netbal- en atletiekspan gehaal het.
Die Hoërskool Overvaal se driesprongkoning, Ethan Olivier moes egter weens ‘n besering aan die span onttrek, maar sy mede-Ovie, Demi Walter sal in die 57kg-afdeling haar staal op die Judo-mat wys.
Na wat verneem word gaan die leerlinge met hul deelname aan dié Spele volwaardige Protea-kleure vir hulle harde werk en toewyding verwerf. Dit is voorwaar ‘n prestasie om op trots te wees.
* Vaalweekblad is baie trots op die leerlinge en gaan hul deelname met ‘n valkoog dophou.