VANDERBIJLPARK. – Wanneer NWU Vaal en Vereeniging Rugbyklub (VRK) mekaar op die rugbyveld aandurf is daar twee dinge waarvan jy seker kan wees.

Een die nerwe gaan waai en twee jy gaan met rugby uit die boonste rakke bederf word.  Die NWU Vaal het Saterdag vir slegs die tweede keer in 10 jaar Vereeniging Rugbyklub ore aangesit.  Die studente het die naelbytstryd wat op sy tuisveld plaasgevind het met 34-28 beklink.

Die uitslag van die kragmeting was deurentyd op ‘n mespunt gebalanseer en VRK het amper in die doodsnikke die sege voor die studente se neuse weggeraap, maar ‘n aanslaan in die doelgebied het ‘n einde aan dié droom gemaak.