VEREENIGING. – Die eerste rugbyspan van die HS Overvaal het vanoggend op sy tuisveld sy veldtog in die uitspele van die Noordvaal-kompetisie op koers gehou, toe hy  ʼn reuse-aanslag van Louis Trichardt afgeweer het om met 22-19 te seëvier.

Die Valies het twee uiteenlopende helftes beleef, maar tog karakter en veggees getoon om die besoekers tot oorgawe te dwing. Die wenspan het rustyd met 22-7 voorgeloop, maar kon geen verdere punte in die tweede helfte aangeteken het nie.