MEYERTON. – Raai wie’s terug met ‘n reuse-slag?!

Na 18 maande wat die beseringspook haar bloots gery het, het Logan Venter, die Hoërskool Dr. Malan se hekkies-koningin, met haar rekordvetoning die naweek by die Hoërskool Noordheuwel se Top 10-byeenkoms haar terugkeer luidkeels uitbasuin.

ʼn Stresfaktuur in haar voet en ernstige dyspierbesering het haar lank buite aksie gehou. Die lang en geduldige pad na herstel het Vrydag 13 Oktober vrugte gewerp toe sy die 400m-hekkiesrekord vir d.o/19 wat in 2014 opgestel is in ʼn tyd van 62.95s verbeter het.