VEREENIGING. – Die Vereeniging Rugbyklub gaan vanjaar ‘n krag wees in die Valke Peregrine-liga.

Dié afleiding word nie bloot gemaak omdat VRK se eerstes al drie sy oefenwedstryde teen Secuna, Raiders en Pirates gewen het nie.

Die afrigtingskorps onder leiding van Ockert Brits se bereidwilligheid om kundiges by die klub te betrek is ‘n eienskap wat nog baie vrugte gaan werp.

Die voormalige beroepsrugbyspeler Gert Muller, ‘n oud-leerling aan die HTS Sasolburg wat die meeste van sy beroepsrugby in Frankryk gespeel het, het vandeesweek VRK se hakkers en stutte die fynere kunsies van die spel kom leer.