VEREENIGING. – Die Vaaldriehoek se eie Zola Budd dis hoe daar na Xante Harris verwys word.

Soos die legendariese Budd is die jong Vaaldriehoeker besig om kaalvoet die atletiekwêreld te stormloop. Dit het sy weer bewys toe sy by die afgelope Suid-Afrikaanse Laerskole Atletiek Kampioenskap as die o.13 800m -en 1 500m-kampioen gekroon is.

Sy het dit boonop met nuwe rekordtye (1500: 4:37.84 en 800m: 2:14.91) vermag. Die Vaaldriehoek is trots op haar en gaan haar vordering met ‘n Valkoog dophou.