SASOLBURG. – Om gelykop te speel is soos om jou sussie te soen. Vra maar vir die eerste rugbyspan van die HS Sasolburg wat Saterdag 4 Mei op sy tuisveld met 28-28 teen Brandwag van Benoni gelykop gespeel het.
Die tuisspan het groot karakter gewys en ‘n stewige agterstand in die tweede helfte uitgewis om uiteindelik net-net nie die wa deur die drif te trek nie.
‘n Drie in die doodsnikke het die telling gelykop gemaak, maar die verdoelskop het die linker regoppaal ten afgryse van die toeskouers en spelers getref.
