VANDERBIJLPARK. – Die kolwe gaan van 1 tot 14 November klap wanneer die Sedibeng Premierliga (SPL) sy 12de krieketreeks vir laerskole by die Hoërskool Transvalia aanbied.

Vier spanne sal in elk van die o13- en o11-afdelings om vanjaar se titels meeding.

In die o13-afdeling is die Roosters, Stags, Thunder Force en BW Blasters ingeskryf. Die o.11-afdeling bestaan uit die Ravens, Bulls, BW Blasters en Strikers.

Die SPL het oor die jare ’n vaste plek op die Vaaldriehoek se junior krieketkalender gekry. Die 2024-reeks het sy 10de bestaansjaar gevier, terwyl die 2025-eindstryde ook op Transvalia se velde beslis is.

Met twee weke se krieket voor die deur, sal die jong spelers van 1 November af om ’n plek in die eindstryd en uiteindelik die SPL-titel meeding.