VANDERBIJLPARK – Die eerste krieketspan van die HS Transvalia het Saterdag op sy tuisveld vir HS Sasolburg oortuigend met 198 lopies geklop.
Valia het eerste gekolf en ‘n reuse-telling van 397/9 in 50 beurte gemoker. Declan Steinmann 151 (83), Ashton Cachia 116 (132) en Janre Barnard 51 (52) het by die lopiefeesmaal aangesit. Hoewel Declan en Ahston kanse gebied het, het die tweemanskap die besoekers se boulaanval aan flarde geslaan. Liam Singleton (3/40), Henco Roets (2/71) en Dean Harris (2/74).
SHS se gebrek aan toewyding in die veld het ook nie hulle saak bevorder nie. Met die bal het Justin Oberholster (2/12), Damon Kelly-Gliddon (2-25) en Abrie Botha (2/25) elk twee paaltjies laat kantel.
Vir die besoekers het Stephan Roets (43), Nathan Bouwer (36) en Jan Hendrik Espag 28 het dubbelsyfer gehaal maar die besoekers is in die 40ste beurt vir slegs 199 lopies uitgeboul.
