Koning Makriel Seehengel Klub vier beste lyn natmakers

De klub het 'n groot kompetisie het wat voorlê vanaf 5 tot 10 November in Sodwanabaai.

November 3, 2023

Ockert Jonker 1 minute read

Agter: Ruan van der Merwe (tesourier), Adriaan Botha (publieke verhoudingsoffisier) en Wolle Prinsloo (ontwikkelingsbeampte). Voor: Roy Maherry (klubkaptein), Japie Kleinhans (ere-president), Ricus van Heerden (ondervoorsitter en rekordbeampte), Divan Claasen (sekretaris) en Dwayne Viviers (voorsitter).

Dit was ‘n gesellige prysuitdeling vir Koning Makriel Seehengelklub by die Portuguese-saal die afgelope naweek.

Op Saterdag, 28 Oktober is klublede se uitsonderlike prestasies die afgelope hengelseisoen gevier.

Die hengelklub het regdeur die jaar aan verskeie hengelkompetisies regoor die land deelgeneem en ook onlangs hul eie aangebied waar die wenner met ‘n splinternuwe Bandit 490 hengelboot weggestap het.

Marius Claasen het ‘n trofee ontvang vir sy Snawelvis wat hy gevang het.

Wolle Prinsloo en sy boot ‘Stifler’ was ook ‘n klubkompetisie-wenner.

Ricus van Heerden en Dwayne Viviers (voorsitter).

Kyle Stols is aangewys as Junior Hengelaar van die Jaar en Jacques Stols en sy boot ‘Make My Day’ het die prys gekry as Boot van die Jaar.

Divan Claasen het as Yster van die Jaar weggestap en Nicky Venter het die Senior Hengelaar van die Jaar trofee verower.

Japie Kleinhans, Nicky Venter, Jacques Stols en Marius Claasen.

Jackie Venter was die Dames Hengelaar van die Jaar en Christo Opperman is as ‘club stirrer’ aangewys.

Die hengelkub kan egter nie terugsit en ontspan nie, aangesien die klub nog ‘n groot kompetisie het wat voorlê vanaf 5 tot 10 November in Sodwanabaai.