Sport

Ermelo fisioterapeut keer triomfantelik van Comrades terug

Corné Jooste, plaaslike fisioterapeut, het Sondag se Comrades met lof voltooi.

Corné Jooste, ’n plaaslike fisioterapeut, het onlangs weer aan die Comrades Marathon deelgeneem.

Die Comrades word beskou as een van die uitdagendste ikoniese langafstandswedlope ter wêreld, en het Sondag plaasgevind.

Jooste se indrukwekkende prestasie het hom ’n Bill Rowan-medalje besorg, aangesien hy die intimiderende wedloop in ’n tyd van 08:51:26 voltooi het.

Corné Jooste het die Comrades met lof voltooi. Foto | Verskaf

 

Hierdie medalje word aan deelnemers toegeken wat die wedloop in minder as nege uur voltooi.

Jooste het die 87,7 km van die beginpunt in Pietermartizburg tot die wenpunt in Durban aangedurf.

Hy het sy fiksheid, deursettingsvermoë en toewyding weer eens ten toon gestel deur sy tweede Comrades-wedloop te voltooi. As erkenning vir hierdie prestasie, is hy ook met ’n rug-aan-rug-medalje beloon.

At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.

Related Articles

Back to top button