Andries Koekemoer en Cicile Erasmus van die Ermelo Athletic Club het op 2 November die uitdagende Kaapsehoop Marathon aangepak en met indrukwekkende tye hul droom om aan die Comrades deel te neem, behaal.

Beide atlete het die 42,2 km-wedloop in ’n tyd van 04:22:00 voltooi, wat hulle in aanmerking bring vir deelname aan die Comrades Marathon in 2025.

“Die pad was erg afdraande en ons het seer bene gehad, maar dit was alles die moeite werd,” het Koekemoer gesê.

Nie lank daarna nie, op 10 November, het die twee ook aan die Suid-Afrikaanse Home Loans 10 km-wedloop in Durban deelgeneem. Hulle het die roete in ’n tyd van 52 minute voltooi.