Sport
Harris en Schneider kraai koning op Ermelo rolbalbane
In die ope-afdeling het Riaan Harris as die wenner uit die stryd getree, terwyl Christoff Schneider die novice-afdeling gewen het.
Ermelo Rolbalklub se bane was onlangs die middelpunt van opwinding tydens die Mans Enkels Klubkampioenskappe. Spelers het hulle slag in beide die ope- en novice-afdelings gewys.
In die ope-afdeling het Riaan Harris as die wenner uit die stryd getree, gevolg deur Albert Swanepoel in die tweede plek.
Pieter Swanepoel het die derde plek ingeneem, terwyl Krish Ramguthy die vierde plek behaal het.
Die novice-afdeling het gesien hoe Christoff Schneider as kampioen gekroon is. Francois Brill het as naaswenner geëindig, met Danie van Zyl wat die derde plek verower het.
Die naweek se verrigtinge is op ‘n hoë en gesellige noot met ‘n tradisionele braai afgesluit, waar spelers en ondersteuners die geleentheid geniet het om saam te kuier.
At Caxton, we employ humans to generate daily fresh news, not AI intervention. Happy reading!
