Hoërskool Ermelo het op 10 en 13 Mei teen Hoërskool Piet Retief in ’n FNB Classic Clashes-stryd te staan gekom.

Dié wedstryde was deel van die wintersportspanne se liga.

Die seunshokkie se wedstryde het op 10 Mei plaasgevind. Die o. 16-span het eerste gespeel en oortuigend met 6-0 gewen.

Die eerste span van Hoërskool Ermelo TWK se seunshokkie het na ’n harde stryd met 2-0 gewen.

Die dogtershokkie-, netbal- en rugbyspanne het op 13 Mei teen Piet Retief gespeel.

Die netbal se uitslae is soos volg (EHS se telling eerste):
• O. 14A-span: 12-17
• O. 14B-span: 3-6
• O. 15A-span: 13-14
• O. 15B-span: 6-8
• O. 16A-span: 13-23
• Tweede span: 12-7
• Hoërskool Ermelo KS Clothing se eerste span: 23-10

Die dogtershokkie vaar uitstekend met die volgende tellings (EHS se telling eerste):
• O. 14A-span: 0-1
• O. 15A-span: 5-0
• O. 16A-span: 9-0
• Tweede span: 6-0
• Hoërskool Ermelo KS Clothing se eerste span: 4-0

Die rugbytellings is soos volg (EHS se telling eerste):
• O. 14A-span: 0-61
• O. 14B-span: 0-45
• O. 15A-span: 12-14
• O. 15B-span: 14-7
• O. 16A-span: 12-26
• O. 16B-span: 9-15
• Tweede span: 8-29
• Hoërskool Ermelo TWK se eerste span: 20-7.

Die skaakspanne het ook op 13 Mei gespeel en EHS het naelskraap met sewe spelle teenoor agt verloor.