Komatipoort Akademie toon potensiaal teen St. Peter’s

Komatipoort Akademie het Woensdag 29 Julie goed vertoon teen St. Peters op hul tuisveld. Die o/11-dogters het 2-0 gewen met Wethu Magagula en Lucy Gouveia wat elk ‘n doel aangeteken het.

Die o/11-seuns het met 1-0 verloor, terwyl Janke Wasserman en Zarnè Cilliers elk ‘n doel vir die o/13’s aangeteken het. Hulle het met 2-0 gewen.

Hierdie spannetjie spog met nie minder as twee Puma-spelers, naamlik Janke Wasserman en Sino Repinga nie.

Die o/13-seuns het gelykop gespeel en nie een van die spanne kon daarin slaag om ‘n doel aan te teken nie.

Dit is maar die derde week in die seisoen en daar moet nog baie geoefen word, maar daar word groot potensiaal getoon.