‘n Trok wat in Gauteng gekaap is, is Dinsdagmiddag in Mbombela teruggevind.
Mnr. Albert Greyvenstein van Bossies Community Justice (BCJ) sê dit was alles te danke aan die Tracker-opsporingseenheid wat in BCJ se operasionele voertuig geïnstalleer is.
Greyvenstein het vertel dat hulle toevallig die sein van die trok opgetel het, en dit gevolg het.
Dit is verlaat op die N4 net buite Valencia aangetref.
Mnr. Johan Nieuwenhuizen van Tracker sê sovêr sy kennis strek het die verdagtes die trokbestuurder aanvanklik vir ‘n onbepaalde tyd gevangene gehou om te verhinder dat hy alarm kon maak.
Hy is later vrygelaat en was in staat om die trok se sein te laat aktiveer.
Daar is bepaal dat die voertuig in die omgewing van Mbombela was, en die polisie is daarvan verwittig.
Hierdie radiofrekwensie is toe uitgestuur en voertuie, soos BCJ s’n kon dit optel om die trok op te spoor.
Greyvenstein het bygevoeg dat van die vrag op die trok gesteel is. Die paneelbord is ook beskadig, na vermoede om die opsporingstelsel te probeer opspoor.
Tracker, Netstar en die polisie se blitspatrollie was kort BCJ se hulle hakke op die toneel. Die polisie sou op die trok beslag gelê het.
- Lees meer: Nelspruit crime hot spots identified
