Stropieland Kleuterskool het onlangs Kersfees gevier met ‘n Kersspel waartydens hulle hulle sang- en toneelspeeltalente ten toon gestel het voor ‘n gehoor van bewonderende ouers, grootouers, boeties en sussies.

LEES OOK: Kind loop maande met pynlike en skewe arm

Al die karakters was daar: die wyse manne uit die Ooste, die herbergier, engele, herders en natuurlik Maria en Josef.
Die akteurs het alles ingesit en die gehoor is meegesleur deur die eeue-oue verhaal.

Dit was ‘n lieflike warm aand buite en die ete na die tyd was uit die boonste rakke. Dit was voorwaar ‘n aand om te onthou.