Hazyview Shotokan Karate Dojo se studente presteer by eerste kwalifiserende kompetisie
Studente van die Hazyview Shotokan Karate Dojo het op Saterdag 12 Maart in die eerste kwalifiserende kompetisie vir die nasionale karatekampioenskap in Mbombela meegeding.
Die studente van Hazyview en Skukuza het by die kompetisie uitstekende resultate verdien.
Tydens die kompetisie is hulle spesiale tegnieke vir kumite en kata getoets. Kumite is die term vir ‘n gevegstyl wat bestaan uit kihon kumite (basiese geveg), juyi ipon kumite (semivrystylgeveg en gemiddelde vlak, beperkte kontak), budo kumite (vrystyl- bevorderde geveg, vol kontak). Kata is denkbeeldige geveg wat plaasvind teen meer as een opponent, waar effektiewe tegnieke gedemonstreer moet word deur ‘n volgorde van bewegings en tegnieke uit te voer.
Die Hazyview Dojo het op 5 Maart ‘n gashuku gehou vir die bruin- en swartbeltstudente. Die hoof van die Laeveld-streek, sensei Piet Venter, het al die studente op dieselfde vlak van tegnieke en die toepassing daarvan in kata gebring.
LEES OOK: Ondersteun Rusoord Lydenburg met sy witolifantverkope
“Ons het bunkai (praktiese toepasing van kata) bespreek en beoefen, sillabuskumite (kihon en ipon) gestandaardiseer, bespreek en beoefen, en ook heian kata gestandaardiseer,” het die hoofsensei van die Hazyview Dojo, Sandra van Vuuren, gesê.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
