Voëls van verskillende vere pronk by i’langa Mall vir sierduifskou
Die Suid-Afrikaanse Sierduifvereniging se oostelike streek het die afgelope Saterdag meer as 500 duiwe by dié mall op skou gehad.
Vir diegene wat nie duiwekenners is nie, was i’langa Mall se onderdakparkeerarea Saterdag ‘n buitengewone bederf.
Die Oostelike Streek van die Suid-Afrikaanse Sierduifvereniging het met 506 duiwe van 43 verskillende rasse hier geskou. Ses beoordelaars het die een duif na die ander noukeurig ondersoek om uiteindelik ‘n wenner vir elke ras te benoem.
Die sekretaris van die Oostelike Streek, Jan Labuschagne, verduidelik dat elke duif ‘n punt uit 100 ontvang. Elke ras het egter verskillende elemente waarna daar gekyk word.
LEES OOK: Kiepersol pad word herstel nadat druk toegepas word
Labuschagne sê hierdie skou vind elke tweede Saterdag in Mei plaas. Daar was in totaal 21 vertoners wat hul duiwe geskou het. Die Suid-Afrikaanse kampioenskappe sal vanjaar in Junie in Malmesbury plaasvind.
Top sewe wenners (rasse en hul eienaars):
• Skoukampioen: Mookee – Philip Lee
• Reserwekampioen en beste jongduif: Satinette – Shaun Smeda
• Tweede reserwe: Non – Hans Bezuidenhout
• Derde reserwe: Brunner kropper – Christo Dippenaar
• Vierde reserwe: Barb – Dirk Scholtz
• Vyfde reserwe: Hollandse kropper – Jan Labuschagne
• Sesde reserwe: Chinese uil – Andries Cilliers.
Top juniorwenners:
• Skoukampioen: Mookee – Karel Jan Smeda
• Reserwekampioen: Portugese tuimelaar – Liam Werth.
Die streek het i’langa Mall bedank wat die venue gratis aan hulle beskikbaar gestel het, asook Rooikat Liquors wat die kratte verskaf het waarop die hokke geplaas is, en Alzu Voere, wat die kos gegee het. Die prysgeld is deur Hans Bezuidenhout en Dirk Scholtz geborg.
Do you have more information about the story?
Please send us an email to editorial@lowvelder.co.za.
For free breaking and community news, visit Lowvelder’s website: Lowvelder
For more news and interesting articles, like Lowvelder on Facebook, follow us on Twitter or Instagram
