“Mense slaap daar in die aande en hang heeldag daar rond,” het ‘n bekommerde inwoner van Ehmkestraat vertel.
Hulle is keelvol vir die plakkers wat in die parkie tussen die spruit en The Village-winkelsentrum boer. Volgens inwoners is die situasie besig om handuit te ruk. Nelspruit Post het gaan ondersoek instel en is deur een van die sogenaamde entrepreneurs gedreig. Hy was besig om langs ‘n onwettige snoepwinkeltjie skoene reg te maak.
Daar naby is mans se hare gewas en gesny. Buiten die drie besighede wat bedryf word, was daar 12 mense wat in die parkie rondgesit het.
Volgens mnr. Joseph Ngala, Mbombela se woordvoerder, gaan hulle dadelik ondersoek instel.
Daar is vroeëre jare ook oor dieselfde parkie berig toe ‘n wit hawelose paartjie, wat as die Knolle bekend was, daar gewoon het. Die munisipaliteit het hulle menigmale weggejaag en uiteindelik traangas gebruik om hulle daar weg te kry. Inwoners hoop die munisiplaiteit kan dieselfde in hierdie
geval doen.
