Bewyse begin stadig na vore kom in die raaisel rondom die verdwyning van Mariana Kotze, ’n voormalige deelnemer aan die gewilde kookreeks, Kokkedoor.
LEES OOK: Bekende Kokkedoor-deelnemer se verdwyning ruk gemeenskap
’n Skermskoot uit nuwe beeldmateriaal wat aan Laevelder verskaf is, bevestig dat sy met haar tasse gepak in ’n LimeTime-bus by Sonpark geklim het, nadat haar silwer Pajero Sport daar agtergelaat is.
‘n Administratiewe werker van die pendeldiens het haar herken en hul bestuurspan dadelik in kennis gestel. Die bestuur het hierop reageer en hulle volle samewerking aan die owerhede gebied.
Die voertuig is vanoggend, 4 Februarie, deur ’n kliënt van iSecure opgemerk, waarna operasionele bestuurder Stephan Coetzer ingelig is. Videomateriaal toon hoe Kotze uit haar motor klim en na die bus beweeg.
LEES OOK: VIDEO: Vermiste Mariana Kotze se motor in Mbombela opgespoor
Beeldmateriaal van die pendeldiens se interne kamera het intussen bevestig dat sy tydens ’n vinnige stop in Middelburg, afklim- en weer opgeklim het.
’n Buskaartjie dui daarop dat sy moontlik op pad was na OR Tambo Internasionale Lughawe.
Intussen is daar ’n stemboodskap aan haar man, Boland, gestuur, wat vermoedelik moontlik deur kunsmatige intelligensie (KI) gegenereer is.
Kotze se verdwyning het die gemeenskap diep geruk en vrae laat ontstaan oor haar beweegredes. Haar man kon nie vir kommentaar bereik word teen die tyd van publikasie nie.
Die saak ontwikkel steeds, en verdere inligting sal gedeel word sodra dit bevestig is.
