Die raaisel rondom die verdwyning van Mariana Kotze, ‘n voormalige deelnemer aan die bekende kookreeks, Kokkedoor, het ‘n dramatiese wending geneem.

LEES OOK: Bekende Kokkedoor-deelnemer se verdwyning ruk gemeenskap

Haar motor is by Sonpark Boulevard opgespoor, wat nuwe vrae laat ontstaan oor haar beweegredes. Die eienaar van iSecure, Braam Oosthuizen, het verduidelik dat een van hul kliënte vanoggend die motor gesien het en hul operasionele bestuurder, Stephan Coetzer, dadelik in kennis gestel het.

Videomateriaal toon hoe Kotze met haar tasse gepak, haar motor verlaat. ‘n Buskaartjie wat deur Laevelder gesien is dui daarop dat sy moontlik op pad was na OR Tambo Internasionale Lughawe.

Ondersoekers vermoed dat ’n stemboodskap wat aan haar man gestuur is, moontlik deur kunsmatige intelligensie (KI) gegenereer is.

Luister hier (Inhoud mag sensitiewe lesers onstel) 

Indien ondersoeke bevestig dat sy by die voorvalle betrokke was, kan moontlike aanklagte bedrog, poging tot diefstal en kubermisdaad ingevolge die Kubermisdaadwet, en die verydeling van die gereg insluit.

LEES OOK: Kaapsehoop crash claims three lives

Laevelder het haar man probeer kontak vir kommentaar, maar kon hom nie bereik teen die tyd van publikasie nie.

Die saak ontwikkel steeds en nuwe inligting sal gedeel word sodra dit bevestig is.