Skopboksers vaar goed by nasionale toernooi

Witirivier se skopboksers het op 1 Maart aan die South African Sports Combat Association (Sacal) toernooi deelgeneem. Dit het verskillende gevegskunstyle ingesluit en het in Centurion plaasgevind.

Sommige skopboksers het aan tot soveel as agt uitkloprondes deel geneem om vir die finale ronde te kwalifiseer. Die span het goed gevaar.

Die gevegs-afdeling was in junior en senior- mans en dames opgedeel asook in gewigsklasse wat tussen 5- en 10kg van mekaar verskil het. Die span het ook aan die “point-fight” en “sport-combat light” deelgeneem.

Die klub bedank Westvaal Witrivier en Simplify vir hulle borgskappe.

Fotobyskrif

Voor: Zelrie Viljoen , (tweede ry) Judy Landman; Rymert Spreeth en Zander Viljoen, (derde ry) Eugene Landman; Jaco Cornelius; Pieter Pheifer en Sias Kruger, (agter) Junior de Beer; Linda van Staden; Marlize Spreeth; Amory Pheifer; Elmarie Cornelius; Alicia Geel en Lizelle Viljoen