Umbali ope dag ‘n reuse sukses

MBOMBELA – Tafels is gedek, trourokke is uitgestal en gaste is met vonkelwyn verwelkom.

Umbali-eienaar Theresa Schoeman het self die gaste met ‘n warm glimlag verwelkom. Hulle kon meer uitvind oor alles wat ‘n bruilof so besonders maak – die koek, blomme, rokke, klere, grimering, uitnodigings en tafelplasings, drank en, natuurlik, die venue.

Volgens Schoeman is Umbali ‘n gediversifiseerde venue wat troues in die tuin, onder die sterre, in ‘n saal of in ‘n kapel aanbied. “Ons probeer ook werklik ons bes om in moeilike ekonomiese tye vir kliënte waarde vir hul geld te bied.”

Umbali het ook goeie verhoudings met ander verskaffers en daarom sit hulle ‘n troue sommer maklik aanmekaar.

LEES OOK: WATCH: A white wedding next to the R40

Elzabet Mahomed en Susa Brittz van Glamorous Makeup Artistry wat die dag bygewoon het, het vertel hulle doen grimering vir enige geleentheid by die venue. “Ons waarborg ook dat ons grimering sal hou van die oggend dat jy trou tot die aand wat jy in die bed klim,” het Brittz vertel. Hair Quarters i’langa en M&L Beauty was ook teenwoordig om te help met ander haar- en grimeerbenodigdhede.

Die blomme op die tafels is deur Flower Market en Language of Flowers verskaf en hulle het bewys dat hulle ruikers vir enige troue kan maak.

4 Keeps Sakes bied ‘n wye verskeidenheid dienste aan: van uitnodigings en tafelplasings, tot 3D-drukwerk en spyskaarte wat die begroting en styl van jou troue sal pas. Nedine Schoeman-fotografie het beklemtoon waarom ‘n goeie fotograaf belangrik is om jou sprokiesdag vas te vang.

Royal Treats-bakkery en Thirsty Bartender het versker dat daar iets te eet en drink was terwyl platejoggie James Olckers ‘n gesellige atmosfeer met sy musiek geskep het.

By die opedag is daar ook ‘n verskeidenheid trourokke deur D&G Bridal Boutique uitgestal wat enige bruid soos ‘n prinses op haar troudag sal laat voel.

Die aanbieding was voorwaar ‘n goeie geleentheid om jou sprokiesdag te beplan.

LEES OOK: “Sprokiestroue” op die R40