Groot talent te sien by mini-netbalfees
Die ouers wat aanwesig was, het die jong spelertjies luidkeels toegejuig.
Laerskool Bergland se netbalbane het verlede week oudergewoonte gewemel met talent tydens hulle jaarlikse mini-netbalfees.
Honderde spelertjies, van onder meer laerskole Bergland, Witrivier, Nelspruit en Laeveld, het die toeskouers op die punte van hulle stoele gehad, en hoewel die dag meerendeels poog om die liefde vir die sport te ontgin, het die ouers die jongspan nogtans luidkeels toegejuig.
LEES OOK: Legendariese oud-skoolhoof sterf tydens Paasnaweek
So ‘n netbaldag is volgens die organiseerder Liza Koen, die ideale geleentheid om die sport aan die jongspan bekend te stel, en hopelik die spelertjies te motiveer om aan te hou speel en die sport sodoende te help groei.
LEES OOK: Veggies and trees to beautify city centre
“Studies dui aan dat kinders wat aan sport deelneem, meer geneig is om suksesvol as grootmense te wees,” sê Koen.
Die wedstryde is gewoonlik korter, word in ‘n kleiner doelgebied gespeel en geen telling word gehou nie.
