Gewilde Kersloffees skitter met sterre vir welwillendheid.

MBOMBELA – Koos Schoonraad, die organiseerder van die funksie, sê hy geniet dit vreeslik om terug te gee aan die gemeenskap.

“Die vertoning skep ook vir plaaslike kunstenaars die geleentheid om op te tree en naam te maak,” het Schoonraad gesê. Die vertoning, ‘n Kersloffees, het plek gehad vir nagenoeg 1 000 mense.

ALSO READ: Kersloffees bereik nuwe hoogtes met gedigte en sang

Omliggende ouetehuise was ook genooi vir ‘n gratis vertoning vroeg die oggend. Hulle is vermaak deur gesogte kunstenaars soos Kevin Leo en Die Divas.

Die bejaardes is ook bederf deur die damesklub van Mbombela Lion en Radio Laeveld, met tee en ‘n lekker eetdingetjie.

Pieter Malan was die seremoniemeester tydens die konsert, wat ‘n groot verskeidenheid van Christelike liedjies ingesluit het.

ALSO READ: Top-Notch act at Montana diner

Kotie en Des Duffey het opgemerk dat “dit tyd is dat mense moet besef dat hulle meer moet doen om Christus te eer en nie verder van hom weg te beweeg nie”.

Die hoogtepunt van die middag was optredes deur Eugene Jacobs, André Schwartz en Leah.

Immergewilde liedjies soos “Sweef Soos ‘n Arend” deur Jacobs, Schwartz se “Ek Wil Jou Nooit Weer Sien” en Leah se “Kyk Na My” het die skare behoorlik op hul voete gehad.

“Julle sal nooit die gevoel verstaan wat in ‘n sanger borrel nie, wanneer sy op die verhoog sing en die gehoor sing saam,” het Leah gesê.