Hospice-mark bied ‘n ietsie vir almal
Daar was die hele dag voete in en uit by die Nelspruit Hospice se opskietmark hierdie naweek.
“Die mense het regtig gekoop, hoor. Hulle het met bokse hier uitgeloop,” sê Landi Bezuidenhout, die hoof- uitvoerende beampte van die Nelspruit Hospice.
(FEATURED IMAGE)
Hospice se tweedehandse klere-afdeling is altyd ‘n treffer onder kopers, en dan was daar ook breekware, boeke, plante, verrassingsballonne en meer.
Bezuidenhout is onlangs as ‘n Hero of the Month by West Pack genomineer, en het ‘n geskenkbewys van R1 000 ontvang.
“Ons het die geld gebruik om klein geskenkies te koop. Mense kon dan ballonne bars en ‘n geskenkie gewen; ons het 15 geskenkies gekoop.”
Verder het The Grove SUPERSPAR ook ‘n koek vir die dag geskenk, wat volgens Bezuidenhout “ongelooflik lekker” was.
Saam met die gratis koek en koffie of tee, is daar ook ‘n paar My School-kaarte uitgedeel.
Wanneer jy so ‘n kaart het, kan jy die My School-toepassing aflaai en Nelspruit Hospice ‘n begunstigde maak. Vandaar kos dit jou niks. Wanneer jy geld by Minuteman Press, Builders, Woolworths, Bidvest Waltons, Spur of Engen El Madre spandeer, ontvang die hospice ‘n persentasie van die geld wat jy spandeer.
ALSO READ: Phelophepa train brings hope and health to Mbombela
“Dit gee vir ons ‘n inkomste sonder dat ons iets hoef te doen, so hoe meer mense daarvan gebruik maak, hoe meer help dit ons.”
