Stewarts & Lloyds KANSA-fondsinsameling ‘n lekker familieaffêre
Rocking 4 CANSA by Mustangs was 'n prettige dag vir 'n goeie doel.
Reënboogkleure, hare skeer en plaaslike musiektalent het Saterdag 18 Maart by Mustangs – The Dancing Place oorgeneem.
Verskeie rolspelers, insluitend Stewarts & Lloyds, het saamgekom om ‘n fondsinsameling, Rocking 4 CANSA, hier te reël.
Op die musiekfront was Dee Phoenix eerste aan die beurt. Dan was daar ook The Acoustics en Slick Velvet. Martin Bester & Band het ook die stad vir die fondsinsameling besoek.
LEES OOK: Skryf ’n vars gedig vir Innibos en laat dit in ’n kunswerk omskep
KANSA-vrywilligers het die besoekers by die deur ontvang en sommer dadelik weggespring met die Shavathon-afdeling van die dag. Baarde is gekleur en hare is geskeer, alles vir ‘n goeie doel.
Laeveld Media se eie Buks Esterhuizen het die skeer van sy hare laat opveil en ‘n allemintige R8 000 ingesamel.
