Pumalanga Aftreeoord hou Skrikkeljaar Country-jol
Die aftreeoord se inwoners het die country-jol met musiek en smullekker cowboykos geniet.
Die opgetooide inwoners van die Pumalanga Aftreeoord het Saterdagaand 24 Februarie hulself by die Skrikkeljaar Country-jol geniet.
Die aftreeoord se lapa is in ‘n wildewestetoneel omskep en die inwoners het cowboykos geniet.
Die Skrikkeljaar Country-jol het vir die inwoners ‘n geleentheid gebied om hulself op te dollie, om die maand van liefde te vier en om net pret te hê, sê Rika Human, een van die organiseerders.
Maureen Schoeman, een van die medeorganiseerders, sê dat Pumalanga Aftreeoord dwarsdeur sy geskiedenis al skrikkeljaar gevier het en dat hulle graag die tradisie voorsit. Sy sê dat hulle ook al die tradisies en bygelowe wat daaraan gekoppel word, vier. Van die tradisies en bygelowe is dat ‘n vrou ‘n man kan vra om te trou, en dat jy nie in ‘n skrikkelkaar moet trou of skei nie.
LEES OOK: Innibos 2024 beloof om ’n wenresep te wees
Die wildewestetema is beklink met die bywoning van die twee perde, Cassanova en Hey-sister.
