Saterdag was ‘n oggend vol liefde, lag en kosbare herinneringe toe Debbie en haar poppe ‘n pragtige vertoning, Love Songs from Yesteryear, by SAVF Herfsakker aangebied het.

Met haar vriendelike geaardheid en lewendige poppe het sy die senior inwoners se harte gesteel.

LEES OOK: VIDEO: Sang, dans en grappe by Hersfakker se talenkompetisie

Haar vertoning was nie net ‘n reis deur tyd met gewilde ou liedjies nie, maar ook ‘n interaktiewe ervaring wat elkeen in die saal betrokke laat voel het. Die glimlagte in die gehoor het alles gesê; dit was ‘n oggend vol vreugde en warmte.

Die poppe was die sterre van die vertoning en het ‘n spesiale band met die seniors gevorm.

LEES OOK: Nuwe laag verf lig gemoedere by Herfsakker

Hierdie wonderlike vertoning is moontlik gemaak deur Leo’s Edutainment, wat spesifiek daarop fokus om seniors met vermaak en opvoeding te bederf. Dit was beslis ‘n oggend om te onthou.