‘n Groot aantal Laevelders het Saterdagaand, 31 Januarie, by Mustangs – The Dancing Place bymekaar gekom om die bekende Riaan Benadé te sien optree.

LEES OOK: Janie Bay betower Laevelders

Gaskunstenaars Coenie Naudé en Kris Ray het die verhoog geopen en die aand se vermaak behoorlik afgeskop.
Net soos in Benadé se liedjie “Keeza”, het ligte reën geval en aanhangers nader aan mekaar laat staan vir ‘n onvergeetlike aand van sing en dans.

LEES OOK: Brendan Peyper-koors loop hoog onder Laeveld-dames

Die gehoor het gewilde liedjies soos “Spontaan”, “Stoom” en “Vat ‘n bietjie” uit volle bors saamgesing en selfs ‘n draai op die dansvloer gemaak. Ten spyte van ‘n bietjie natweer en min plek, het die gaste die beste van die aand gemaak.