Janie Bay het Saterdag weer teruggekeer na The Blue Gate vir nog ‘n intieme vertoning saam met haar kitaarspeler, Deon Dee.

LEES OOK: Brendan Peyper hou Mbombela-skare warm

Die verhoog was eers deur die plaaslike musiekgroep, Cork and Chords, geopen wat die perfekte lusmaker vir die aand was.

Bay het tydens die vertoning erken dat The Blue Gate haar gunsteling plek is om op te tree en het saam met haar kitaarspeler akoestiese weergawes van haar liedjies gelewer.

‘n Agt-jarige dogter se droom het waar geword toe Bay haar op die verhoog geroep het en haar gunstelingliedjie vir haar verjaardag gesing het. Die gehoor se harte het gesmelt toe hulle die opwinding op die jong gesiggie sien.

LEES OOK: Innibos versterk jeugontwikkeling met VIBE-kunsprogram

Die aand was ‘n groot sukses en musiekliefhebbers sien reeds uit na Bay se volgende kuier.