Met hande uitgestrek het leerlinge en personeel van Laerskool Malelane hul seën oor die voormalige skoolhoof, Gerben Janse van Rensburg, en sy vrou, Marlese, uitgespreek terwyl hulle met swaar harte afskeid geneem het.

In ’n hartroerende video wat deur die skool gedeel is, wens leerlinge hom vaarwel toe en klap hande vir Janse van Rensburg en sy vrou, wat 12 jaar lank deel was van die skool.

Janse van Rensburg is trots op die bydrae wat hy gelewer het.

“Toe ek ’n paar jaar gelede hier aangekom het, was een van die dinge wat ek wou doen om die terrein te vergroen en meer kleur aan die skool te gee. As jy nou daarna kyk, het ons hier ’n nalatenskap gebou,” het hy gesê.

Hy het bygevoeg dat elke einde herinneringe laat wat blywend is.

LEES OOK: Lanies shine on the league greens

“Aan die einde van enige tydperk in jou lewe bly net herinneringe oor. Soms dra ons letsels – of dit nou fisies, emosioneel of bloot lagplooitjies is – maar dit herinner ons aan wat ons gedoen en ervaar het,” het Janse van Rensburg afgesluit.