Impalas staan sterk teen Nelspruit-span

Die wedstryd was hard en hulle verdediging het teen die besoekers sterk gestaan.
Hulle het ‘n moeilike taak gehad en nie baie kanse gekry om punte aan te teken nie.
Die spelers van die wedstryd was Manie Vermaak (voorspeler) en Christo Geldenhuys (agterspeler).
Tiaan Nel het sy skopskoen aangehad met net een strafskop wat nie die pale kon vind nie en hy het ook ‘n drie aangeteken.
Toeskouers het die pawiljoen volgesit en beide spanne is goed ondersteun.
“Dit was ‘n lekker dag vir harde klub-rugby en ons sien uit na die seisoen wat voorlê,” het Gert van Zyl, ‘n toeskouer en nuwe inwoner van Komatipoort, gesê.