Die Nelspruit Kudus domineer opponente

Nelspruit Rugbyklub het op hul tuisgronde die manne van Barberton 41-19 ore aangesit. “Ons vastefasette was baie goed gewees en ons het elke keer ons eie bal terug gewen om momentum op te bou.

Die voorspelers het hul man gestaan teen ‘n goeie pak voorspelers van Barberton en dit was waar die wedstryd gewen was,” sê die afrigter van die Kudus, Gunther Swart.

Hy voel wel dat die agterlyn min besit op die voorvoet gekry het. “Ek dink indien die agterlyn meer besit gehad het, kon daar ‘n groter punteverskil gewees het.” 

Nelspruit is in die eerste plek op die Laeveld se top ses punteleer. Al die spanne het die naweek ‘n loslootjie.