Gholfstokke swaai ter ondersteuning van Laerskool Malelane
'n Ontspanne Saterdagoggend op die gholfbaan het groot pret aan 64 spelers tydens die Mhoba Gholfdag, wat deur Laerskool Malelane aangebied is, verskaf.
Die skool se jaarlikse fondsameling het ‘n bestebal Stableford-formaat met scramble drive gevolg en spelers het as gholfspelers en nie-spelers ingeskryf.
Die skool meen die kompetisie was ‘n groot sukses en hulle is baie dankbaar vir besighede en die spelers se lojale ondersteuning.
Die watergate, behartig deur borge Red Falcon Spur, Nashua, OVK, BUCO, Hi-Tech Sekuriteit en hoofborg Mhoba, het gesorg dat die deelnemers verkwik word en al vroliker die volgende putjie aangepak het.
Na ‘n oggend in die warm son, het spelers hul telkaarte ingehandig en met ‘n drankie in die hand gewag om te hoor wie die beste gevaar het.
Daar is ‘n hele paar “geheime” bottels wyn, asook ‘n paar rooibokke opgeveil en almal het hulle hande diep in die sakke gesteek om die skool te ondersteun.
Uitslae
Top-vyf nie-spelers
Eerste: Leslie Groves en Jabulani Jelle
Tweede: Francois Boshoff en Hein Coetzee
Derde: Arjen Stolz en Drieken Grobler
Vierde: Hein Coetzee en Mike Lurie
Vyfde: Mark Haarhoff en Cherine Jones
Top-vyf gholfspelers
Eerste: Bertie Diedericks en Roelf Fritz
Tweede: A Visser en John Martin
Derde: Marinus Neethling en Hannes Venter
Vierde: Willem Bekker en A Nel
Vyfde: Turbo van Coller en Dean van Coller
Langste dryfhou: Hannes Venter
Langste dag: Frank Fourie en Tommy van Staden
Naaste aan die pen: 2 en 11: Roelf Fritz
8 en 17, asook 9 en 18: Bertie Diedericks.
Die geleentheid is met ‘n heerlike middagete van Mugg & Bean Onder-Sabie afgesluit.
Die skool wil graag die hoofborg, Mhoba Rum, asook al die borge van waterpunte, bowwe of putjies en Mugg & Bean Onder-Sabie, vir hulle bydraes en ondersteuning bedank.
