Noordsone wink vir gimnaste
Nelspruit Gimnastiekakademie (NGA) het die afgelope naweek in die voorlaaste provinsiale proewe vir vlak een tot drie, 57 gimnaste opgelewer wat hul junior Mpumalangakleure verwerf het.
Die gimnaste vertrek eerskomende naweek na Ermelo vir die finale proewe waartydens hulle ‘n sekere gemiddeld moet behaal om na die Noord-Sonekampioenskappe deur te dring.
Bernard Calitz (vlak een) en Jean du Toit (vlak twee) het ‘n gemiddeld van bo nege, wat platinumstatus is, behaal.
Die vlak een-dogters wat platinum-status verower het, is Marina Cussons, Alieke van Zyl, Mikayla Herbst, Layla Wienand, Carmen Venter en Lize-Marie van der Walt.
Anzel Moolman, Leandrie Kruger, Chironia van der Walt en Sienna Hoffman het ook ‘n gemiddeld van nege vir vlak twee vasgepen, terwyl Karmia van Jaarsveld, Xi-ane Roets, Caylin Bodenstein, Jasmin Muller, Marlia Spreeth en Malise de Villiers vir vlak drie dieselfde gemiddeld behaal het.
Nege van NGA se atlete het silwermedaljes verower met sewe wat bronsmedaljes ontvang het.
