Nagenoeg 800 spelers van 13 verskillende skole het verlede week by Hoërskool Rob Ferreira bymekaargekom vir die afskop van die sesde jaarlikse Danie Rossouw Rugbyweek.

Dié rugbyweek, wat verlede Donderdag tot ‘n einde gekom het, het gasheer gespeel vir skole van regoor die land, waarvan Rob Ferreira, Penryn, Matsulu en Uplands plaaslik was.

Vir die plaaslike skole was dit egter drie dae van gemengde welslae, met slegs die gasheerskool wat ‘n noemenswaardige vertoning gelewer het. Die o/14’s het veral goed gevaar deur vir Vereeniging Gim (55-5) en Ben Viljoen (36-0) die loef af te steek. Die o/15’s het Dinsdag met Penryn 22-12 afgereken en die eerstes het teen Wonderboom 13-3 gewen.

Rob se eerstes het ondanks verskeie pogings om Penryn se doppie te klink, gelykop gespeel. Eersgenoemde het egter teen Wonderboom kleigetrap en ‘n loesing van 52-3 teen Vereeniging Gim gekry.

Rob Ferreira and LHS play their first game of the season

Penryn het egter elders op die veld twee ander wedstryde teen Retief en Nylstroom deurgehaak. Besluitloosheid en ‘n gebrek om af te rond, kan toegeskryf word aan Penryn se agt ander nederlae, teen onder meer Wonderboom, Brandwag, Vereeniging, Ben Viljoen, Oosterland, Retief (o/16 en eerstes) en Delmas.

Matsulu het slegs een wedstryd gespeel en die wa oortuigend teen Nylstroom deur die drif getrek.
Slegs Uplands se eerste span kon teen Vereeniging se tweedes seëvier.

Brandwag se o/14’s, o/15’s, o/16’s en Wonderboom se o/14’s het Uplands oortuigend gewen.

Hier is die uitslae:
o/14
• HTS Witbank 52-24 teen Brandwag
• Ben Viljoen 40-7 teen Vereeniging Gim
• Wonderboom 47-5 teen Penryn
• HTS Witbank 22-17 teen Ben Viljoen
• Rob Ferreira 55-5 teen Vereeniging
• Brandwag 14-7 teen Penryn
• Wonderboom 45-7 teen Uplands
• Vereeniging Gim 36-7 teen Penryn
• Rob 36-0 teen Ben Viljoen
• Witbank 29-10 teen Wonderboom
• Brandwag 55-7 teen Uplands.

o/15
• Ben Viljoen 28-24 teen Brandwag
• Wonderboom 39-20 teen Rob Ferreira
• Ben Viljoen 26-22 teen HTS Witbank
• Brandwag 40-0 teen Uplands
• Rob Ferreira 22-12 teen Penryn
• Wonderboom 22-12 teen HTS Witbank
• Ben Viljoen 33-5 teen Penryn
• Brandwag 19-0 teen HTS Witbank.

o/16
• Brandwag 43-8 teen Uplands
• Oosterland 10-0 teen Penryn
• Wonderboom 20-12 teen HTS Witbank
• Ben Viljoen 17-12 teen Retief
• Vereeniging Gim 34-0 teen Nylstroom
• Retief 17-10 teen Penryn
• Brandwag 43-17 teen Ben Viljoen
• Matsulu 22-12 teen Nylstroom
• HTS Witbank 24-17 teen Vereeniging Gim
• Wonderboom 41-0 teen Oosterland
• HTS Witbank 29-24 teen Brandwag
• Wonderboom 11-10 teen Vereeniging
• Ben Viljoen 33-5 teen Oosterland
• Penryn 35-24 teen Nylstroom.

Tweedes
• Vereeniging Gim 56-5 teen Rob Ferreira
• Uplands eerstes 47-10 teen Vereeniging Gim tweedes.

Eerstes
• Delmas 40-26 teen Retief
• Vereeniging Gim 22-7 teen Wonderboom
• Rob 22-22 teen Penryn
• Penryn 15-7 teen Retief
• Vereeniging Gim 31-5 teen Delmas
• Rob Ferreira 13-3 teen Wonderboom
• Retief 25-17 teen Vereeniging Gim tweedes
• Vereeniging Gim 52-3 teen Rob
• Delmas 31-12 teen Penryn.