Vaughn van Zyl, ’n gr. 11-leerder van Hoërskool Nelspruit (NHS), is na die o. 17- Elite-ontwikkelingskamp, wat tussen 28 November en 5 Desember by Hoër Landbouskool Boland plaasvind, uitgenooi.

Hy is een van slegs 58 o. 17-rugbyspelers in Suid-Afrika wat gekies is om aan dié kamp deel te neem. By die kamp werk die spelers saam met toprugbyspesialiste in die gimnasium met krag en kondisionering, en ook veldsessies.

Vaughn het ’n uitstekende rugbyseisoen as agtsteman by NHS agter die rug en sal beslis baie lesse uit dié ervaring leer.