Laerskool Lydenburg se netbalspanne vaar uitstekend by die Mpumalanga finaal
Meer as 200 spelers het Saterdag 4 Junie by Hoërskool Generaal Hertzog aan die MSN Mpumalanga Netbal se finale ligawedstryde deelgeneem.
Die hoof Cornelius Lemmer, die spanne se afrigters en netbalsameroepers is voorwaar trots op al hierdie dogters.
Die skool bedank elke speler wat so hard geoefen het asook hul ouers vir die tyd wat hulle langs die netbalbaan deurgebring het.
Lees ook: Suspect (33) arrested for murder in Lydenburg
Die uitslae was soos volg: o. 11A tweede, o. 11B vierde, o. 12A derde, o. 12 B derde, o. 13A vyfde en o. 13B tweede.
Ses dogters is vir die Mpumalanga-span gekies vroeër in die seisoen tydens die provinsiale proewe.
Van die o. 12’s gaan Lungile Mokwena die provinsie verteenwoordig. Monique Bezuidenhout, Peyton Kuhn, Megan Honeyborne, Mekylie Niemand en Liebke Niemand het vir die o. 13 Mpumalanga Netbalspan gekwalifiseer. Hierdie spelers gaan in die wintervakansie deelneem aan die SA Netbaltoernooi vir skole.
