Vier lede van Nelspruit Stoeiklub het agt medaljes by die SA Jeug Stoeikampioenskappe gewen.

Hulle is by die Mpumalanga Stoeikampioenskappe, wat vroeër plaasgevind het, vir die Pumas-span gekies.

Die nasionale kampioenskappe het vanaf 6 tot 8 Oktober by die Coertzenburgsentrum in Stellenbosch plaasgevind.

Samuel Odendaal (15 jaar; onder 51 kg) het ‘n silwer medalje in die Grieks-Romeinse styl en ‘n brons in vrystyl gewen.

Louis Odendaal (13 jaar; onder 34 kg) het ‘n silwer medalje in die Grieks-Romeinse styl en ‘n goud in vrystyl gewen.

Matthias Odendaal (11 jaar; onder 34 kg) het ‘n brons medalje in vrystyl losgestoei.

Jaden Deysel (13 jaar) behaal ‘n silwer in die glyskaalgroepe vir vrystyl, ‘n goud in die Grieks-Romeinse styl en ‘n goue medalje in vrystyl.