Tophokkie in Potch
Laerskool Nelspruit se eerste dogtershokkiespan het die pad na Potchefstroom aangedurf om teen van die top-hokkieskole kragte te meet.
Die Champs of Champs-toernooi is deur Noordwes Hokkie aangebied. Alhoewel Nellies net een van hulle wedstryde gewen het, was dit ‘n goeie oefenlopie vir die dogters.
“Dit was vir seker die moeite werd. Dit was ‘n goed georganiseerde toernooi en die dogters het goeie sportmangees en Nellie-guts gewys,” het die afrigter, Hannelie van der Merwe gesê.
Lees ook: Laerskool Nelspruit het drie streekskampioene
Die span is vroeër vanjaar as die Mpumalanga-kampioene gekroon. Laevelder het Dinsdag 13 September die verkeerde afrigter aangehaal. Van der Merwe is nie van Laerskool Laeveld nie, maar is ‘n afrigter by Laerskool Nelspruit.
So het die dogters gevaar:
• Nellies 0 vs Garsfontein 1
• Nellies 0 vs Mooirivier 3
• Nellies 2 vs Jordania 1
• Nellies 0 vs Delmas 2
• Nellies verloor teen Maragon na ‘n sudden-death.
