Hoërskool Rob Ferreira het hulle tuisveldvoordeel behoorlik benut toe hul eerste spanne Dinsdag onoorwonne van die agtste Mahindra Nelspruit Danie Rossouw Rugbyweek af weggestap het.

Verskeie skole, waaronder die gasheer, Hoërskole Bergvlam, Lydenburg, Nelspruit, Oosterland, Delmas, Frans du Toit, Driehoek, Wonderboom, Ligbron, Nylstroom, HTS Witbank, Uplands College, Midstream College en HTS John Vorster se o. 14-, o. 15-, o. 16- en ope spanne, het kragte gemeet.

Op die drie wedstryddae, Saterdag, Maandag en Dinsdag, is altesaam 66 westryde op drie velde gespeel.

Rob se eerstes het Saterdag vir Wonderboom 14-11 geklop, en Maandag het hulle teen Delmas gespeel en 14-10 gewen. Rob se laaste wedstryd op Dinsdag was teen John Vorster, en die gasheerskool het naelskraap 22-21 gewen.

Rob Ferreira se o. 16-span het ook al hulle wedstryde gewen.

“In 2013 besluit Rob toe om hul eie toernooi aan te bied, ter voorbereiding van die rugbyseisoen, aangesien toere op daardie stadium so duur geraak het. Ons besluit toe om hierdie week na een van die groot name in wêreldrugby te vernoem, ene Danie Rossouw, wat ook hier by Rob gematrikuleer het. Hierdie toernooi sluit dan ook ouderdomsgroepe van o. 14 tot eerstespanvlak in. In 2022 ervaar ons ‘n opkoms in getalle, met menige skole wat by ons aansluit, ‘n totaal van 1 000 spelers op die week uit skole vanuit Gauteng, Limpopo en Mpumalanga,” het Rudolf Conradie, die hooforganiseerder, gesê. Die bepalings is so uiteengesit dat spelers soveel moontlik blootstelling aan verskeie spelpatrone gegee is.

Dit het daarop neergekom dat spanne wat in ‘n liga- of vriendskaplike wedstryd kragte meet, nie tydens dié week teen mekaar sal speel nie.

“Die week het goeie kompetisie opgelewer, met slegs ‘n paar spanne (ses uit 44) wat geen wedstryd verloor het nie. “Die toeskouers het dit ook baie geniet en die mense op die paviljoen was goeie motivering vir die spelers om hul beste te gee.

“Na afloop van die toernooi is daar ook twee toerspanne aangewys wat in Oktober na Spanje gaan toer. Ons was baie bevoorreg om ook vir Rossouw hier te hê om die seuns sterkte toe te wens, en geluk te wens dat hulle die toerspan gehaal het.

“Sonder borge is so ‘n week ook natuurlik baie moeilik, en ons is trots om te sê dat Mahindra Nelspruit as hoofborg vanjaar by ons aangesluit het. Ons ander borge sluit in Ocean Basket, Twinz, Debonairs Pizza, BUCO, Pick n Pay, Elmadre Slaghuis en Hi-Tech Sekuriteit. Baie dankie ook aan hulle wat hierdie week vir ons moontlik gemaak het,” het Conradie gesê.

Uitslae van plaaslike skole wat deelgeneem het
• Lydenburg o. 16: 5 – Midstream o. 16: 22
• Nelspruit o. 16B: 19 – Oosterland o. 16: 19
• Rob Ferreira o.16B: 36 – John Vorster o. 16: 0
• Rob Ferreira 2des: 12 – Bergvlam 1stes: 12
• Nelspruit 2des: 34 – Uplands 1stes: 10
• Uplands Barbarians o. 15: 0 – Bergvlam o. 15: 48
• Rob Ferreira o. 15: 29 – Driehoek o. 15: 0
• Lydenburg o. 15: 21 – Wonderboom o. 15: 8
• Nelspruit o. 15B: 12 – Midstream o. 15: 10
• Uplands o. 16: 10 – Nylstroom o. 16: 26
• Uplands o. 16: 10 – Barbarians o. 16: 0
• Bergvlam o. 14: 41 – Driehoek o. 14: 0
• Lydenburg o. 14: 36 – Nelspruit o. 14B: 0
• Rob Ferreira o. 14: 5 – John Vorster o. 14: 37
• Rob Ferreira o .16: 45 – Wonderboom o. 16: 12
• Lydenburg o. 16: 14 – Oosterland o. 16: 33
• Nelspruit 2des: 47 – Rob Ferreira 2des: 0
• Bergvlam 1stes: 0 – Delmas 1stes: 61
• Uplands 1stes: 12 – Driehoek 1stes: 19
• Nelspruit o. 15B: 0 – Witbank o. 15: 19
• Lydenburg o. 15: 5 – John Vorster o. 15: 29
• Rob Ferreira o. 15: 19 – Wonderboom o. 15: 20
• Uplands o. 15: 10 – Driehoek o. 15: 23
• Bergvlam o. 15: 0 – Midstream o. 15: 24
• Bregvlam o. 16: 10 – Nylstroom o. 16: 7.
• Nelspruit o. 16B: 22 – Midstream o. 16: 20
• Uplands o. 16: 17 – Barbarians o. 16: 24
• Rob Ferreira o. 14: 29 – Wonderboom o. 14: 20
• Bergvlam o. 14: 36 – Nelspruit o. 14B: 10
• Lydenburg o. 14: 5 – Midstream o. 14: 22
• Rob Barbarians o. 16: 0 – Nylstroom o. 16: 36
• Bergvlam o. 16: 0 – Witbank o. 16: 36
• Rob Freeira o. 16: 24 – Midstream o. 16: 19
• Uplands 1stes: 12 – Bergvlam 1stes: 15
• Lydenburg o. 15: 6 – Witbank o. 15: 14
• Rob Ferreira o. 15: 45 – Midstream o. 15: 29
• Bergvlam o.14: 7 – Witbank o. 14: 19
• Nelspruit o. 15B: 42 – Dreihoek o. 15: 7
• Bergvlam o. 15: 5 – John Vorster o. 15: 48
• Barbarians o. 15: 0 – Wonderboom o. 15: 51
• Nelspruit o. 14B: 5 – Driehoek o. 14: 10
• Rob Ferreira o. 14: 12 – Midstream o. 14: 34
• Lydenburg o. 14: 24 – Wonderboom o. 14: 5
• Lydenburg o. 16: 0 – John Vorster o. 16: 62
• Rob Ferreira 2des: 12 – Driehoek 1stes: 29
• Nelspruit 2des: 7 – Midstream 1stes: 24
• Uplands o. 16: 17 – Nelspruit o. 16B: 24.