News

Deelname aan kampioenskappe van die baan met diefstal van vierwiel motorfiets

’n Deelnemer aan die 4-24 Racing en Farm Jam kompetisies kan nie die naweek aan die eerste kampioenskap deelneem nie, omdat sy vierwielmotorfiets in die vroeë oggendure vanoggend gesteel is.

January 30, 2019

Daleen Naudè 1 minute read

So het mnr Louis Roos se vierwielmotorfiets gelyk voordat hy verlede Dinsdag gesteel is. Die motorfiets se stukke is saam met ander gesteelde motorfietse op 'n sleepwa, wat op pad was na Mosambiek, gevind.

Mnr. Louis Roos sê die booswigte het eers sy twee Jack Russell hondjies vergiftig, waarna hulle oor die muur geklim en die hekmotor buite aksie gestel het.
“Hulle het presies geweet waar die alarm-ogie nie lekker gewerk het nie.”

Die groep het daarna beweeg na die afdak, waar mnr. Roos se vierwielmotorfiets vasgeparkeer was agter sy vrou se kar.

“Hulle kon nie die sleepwa met die vierwiel skuif nie en het die motorfiets van die sleepwa af, bo-oor my vrou se kar getel! Hulle moes ’n groot groep gewees het om dit te kon doen.”

Mnr. Roos vermoed dat hulle omstreeks 03:00 op die erf was, want die persoon wat die woonstel huur, sê haar klein hondjie in die woonstel het daardie tyd geblaf. Sy was egter nie bekommerd nie, omdat die alarm aan was.

•Mnr. Roos sê hy sal beslis nie voor die naweek sy vierwielmotorfiets kan vervang nie, aangesien ’n nuwe motorfiets R100 000 beloop.

•Hy vra dat as enigiemand die vierwielmotorfiets sien om hom te bel by 072 836 0802. Dit is ’n Suzuki LTR 450cc motorfiets met ’n unieke “421 Racing”-plakker op.

•Verlede Vrydag is twee honde in Dennesig vergiftig, omdat die diewe ook agter ’n vierwielmotorfiets in die motorhuis aan was. Die booswigte is waarskynlik gepla en het hulle geepad.

Lees in die Vrydag uitgawe van die Middelburg Observer meer oor dié voorval waar die eienaar van die honde ’n beloning aanbied vir inligting wat sal lei tot die vervolging van die skuldiges.