Bakkie in reën by huis in Bethal verby
’n Inwoner van Bethal sê daar het ’n bakkie, wat Willem Kruger se voertuigbeskrywing pas, die nag wat hy verdwyn het, by sy huis verby gery.
“My CCTV kamera wat na die Middelburgpad wys, het ’n bakkie opgemerk rondom die tyd waar Willem daar verby moes ry. Dit is as hy 3:00 se kant uit Morgenzon weg is,” het mnr. Lee van Tonder gesê.
Willem moes dié pad ry as hy van Morgenzon na Groblersdal op pad was.
Lees ook: Jong man verdwyn op pad na Groblersdal
Volgens hom was die pad baie stil en die bakkie was die enigste voertuig wat omstreeks 03:52 verby die kamera gery het.
“Op my kamera kan mens nie die voertuig identifiseer nie. Dit het baie gereën.”
Mnr. Van Tonder het vir die familie en vir die ondersoeker van die saak die materiaal gestuur.
Lees ook: Willem se pa soek in helikopter na hom
Die kwaliteit is baie swak en hy sê dat niemand nog teruggekom het na hom toe of hy moontlik reg kan wees dat dit Willem se bakkie is nie.
Hy het genoem dat hy al die noodgroepe in hulle area van Willem se verdwyning in kennis gestel het en dat almal op die uitkyk is vir hom.
•As enige persoon inligting het waar Willem moontlik kan wees, bel Jacques Verwey (sy swaer) by 071 688 9794 of sy suster, Danelle, by 082 524 8346.
