Roosmarie beskuldig dat sy Welkom sakeman inloop
Roosmarie het tydens ’n hofverskyning in Februarie skuldig gepleit op ’n klagte van diefstal.
Die selfhervormde Roosmarie van Staden word daarvan beskuldig dat sy in Welkom weer met haar slenters bedrywig is, skaars ’n maand nadat sy 16 dae agter tralies was vir diefstal.
’n Inwoner wat self deur Roosmarie ingedoen is het vertel dat ’n sakeman vanuit Welkom hom gekontak het, nadat hy na bewering deur haar ingeloop is.
Die sakeman het aan die Middelburg Observer gesê dat hy deur Roosmarie bedrieg is, maar wou nie verder kommentaar lewer nie.
• Roosmarie het tydens haar tweede hofverskyning skuldig gepleit en is op 8 Februarie skuldig bevind op een klagte van diefstal van ’n luidspreker.
Sy is ’n boete van R1 500 en drie jaar gevangenisstraf opgelê, wat beide vir drie jaar opgeskort is.
Lees ook:
Talle klagtes wat teen haar gemaak is, is egter deur die hof laat vaar vir vonnisdoeleindes.
Die klagtes sluit onder ander in:
Middelburg: Die verkoop van Juanita du Plessis kaartjies vir ’n vertoning wat nooit plaasgevind het nie; verskeie kontantlenings gemaak sonder om die geld terug te betaal; sy het ook brandstof ingegooi en weg gery sonder om daarvoor te betaal.
Lees ook:
Bothaville: Roosmarie is daarvan beskuldig dat sy R2 500 se kos by ’n eetplek, bekend as die Kaia, op die naam van die kroeg waar sy gewerk het gekoop het.
• Na haar skuldigbevinding het Roosmarie in ’n openhartige onderhoud met die Middelburg Observer verskoning gevra aan haar slagoffers en ook vertel dat sy haar lewe “nuut wil afskop”.
Sy het daarna na Boksburg verhuis, waar sy werk en blyplek kon kry.
• Pogings om Roosmarie te kontak vir kommentaar was onsuksesvol.
